Алматы облысы бойынша Статистика департаментінің мәліметтері бойынша 14 пен 29 жас аралығындағы жастардың саны 418 074 адамды құрайды, оның ішінде –95 316-і қалалық жерлерде, 332 758-і  ауылда тұрады.

Мемлекеттік жастар саясатын іске асыруға бөлінетін қаражат көлемі ұлғаюда. Мысалы, жергілікті бюджеттен 2013 жылы – 209,3 млн. теңге,  2014 жылы – 313,6 млн. теңге, 2015 жылы- 462,5 млн. теңге, 2016 жылы – 435,2 млн.теңге, 2017 жылы – 542,1 млн.теңге, 2018 жылы – 565,5 млн.тенге.

Облыста 20 жастар ресурстық орталықтары қызмет атқарады, оның ішінде 1- облыстық және аудан, қала деңгейінде 19 «Жастардың ресурстық орталықтары» коммуналдық мемлекеттік мекемелері. Штат саны 123 адамды құрайды. Облыс бойынша ауылдық округте жастар саясаты бойынша 253 нұсқаушылар бірлігі бөлінді. Бүгінгі күні әрбір округте 1 нұсқаушыдан өз жұмыстарын атқаруда.

2016 жылғы 5 шілдеде Талдықорған қаласында Жастарға қызмет көрсету орталығының ғимараты ашылды. Қазіргі таңда күнделікті орталыққа шамамен 250-300 жас келеді.

Жастарды уақытша жұмыспен қамту мақсатындағы облыстық «Жасыл ел» штабы 4 жыл қатарынан «Үздік штаб» және үздік ақпараттық жұмысы үшін «Үздік онлайн штаб» атанса, 2017 жылы «Үздік командир» және «Үздік жоба» номинацияларына ие болып отыр.

Алматы облысында «Қазақстан 2020: Болашаққа бастар жол» Мемлекеттік жастар саясатының 2020 жылға дейінгі тұжырымдамасын іске асыру жөніндегі іс-шаралардың екінші кезеңін орындау шеңберінде жастарды «Нұрлы жол» жаңа экономикалық саясатын іске асыруға тарту бойынша жүйелі жұмыс жүзеге асырылуда. Бүгінгі күні жастарды жұмыспен қамтамасыз ету шаралары «Нәтижелі жұмыспен қамтуды және жаппай кәсіпкерлікті дамытудың 2017 - 2021 жылдарға арналған бағдарламасы» шеңберінде жүзеге асырылуда. Атқарылған ақпараттық-насихаттау жұмыстары есебінен 2018 жылғы І тоқсанда облыс бойынша жұмыспен қамту органдарына 29 жасқа дейінгі жастар қатарынан 3153 адам жұмыспен қамту шараларымен жүгінді. Тұрақты жұмыспен қамтылғандардың саны 897 адамды құрады.

2018 жылғы 1 тоқсанда «Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған бағдарламасының» бірінші бағыты шеңберінде электрик, шаштараз, тігінші, бала күтуші және т.б мамандықтар бойынша қысқа мерзімді кәсіптік оқытумен жастар қатарынан 1010 адам қамтылды. Бағдарламаның екінші бағыты шеңберінде жастар санаты қатарынан  493 адам «Бастау-Бизнес» жобасы бойынша кәсіпкерлік негіздеріне оқыту, 80 азамат шағын несие беру жоспарлануда. Сонымен қатар, Алматы облысы бойынша қоғамдық жұмыстарға 1 млрд. 123 млн. теңге қаржы бөлініп,  8677 адамды жолдау жоспарланған. Бүгінгі күні  жылы қоғамдық жұмыстарға 3355 адам жолданып, оның ішінде 781 адам 29 жасқа дейінгі жастар санаты қатарынан жолданды. Аталған бағдарлама шеңберінде облыс бойынша 2018 жылға жастар тәжірибесіне республикалық бюджеттен 450,5 млн. теңге қаражат бөлініп, 1245 жас түлекті қамту жоспарланған. 2018 жылғы І тоқсанда 969 жас түлек 591 мекемеге тәжірибе өтуде. Бағдарламаның үшінші бағыты шеңберінде еңбекке бейімделгеннен кейін тұрақты жұмысқа орналасу үшін әлеуметтік жұмыс орындарын құру қарастырылған. Облыс бойынша әлеуметтік жұмыс орындарына 239 млн тенге қаражат бөлініп отыр, 1196 адамды қамту жоспарланған. Бүгінгі күні 254 мекемеге 1156 адам жолданып, оның ішінде жастар арасынан 260 адам жолдама алды.

Алматы облысында 2018 жылғы 1 тоқсанда 1827 неке қиылса, 580 ажырасу тіркелген. Облыста жастар арасындағы 2018 жылғы 1 тоқсанда 1917 қылмыс тіркелген. NEET cанатындағы жастар үлесі: 2016 жылы - 9,4%, 2017 жылы - 7,5 %, 1,9 % төмендеді  (ақпарат ресми сайттан алынды, тоқсандық мәлімет әлі шыққан жоқ).

«Дипломмен ауылға» жобасы аясында 2018 жылғы 1 тоқсанға барлығы 156 маманға 26262,2 мың теңге көтерме жәрдемақы қарастырылды, оның білім саласы бойынша - 108, денсаулық сақтау – 35, әлеуметтік қамсыздандыру - 6, мәдениет саласы- 7, спорт – 1 және ветеринария -28, агроөнеркәсіп саласы бойынша – 10 маман берілді.

Мемлекеттік-жекеменшік әріптестік тетіктерін белсенді пайдалана отырып, жастардың бос уақытын ұйымдастыру жөніндегі 2017-2020 жылдарға арналған өңірлік «Жастар жолы» іс-шаралар жоспарына сәйкес 2018 жылы облыс әкімінің өкіміне сәйкес жастар арасындағы жұмыссыздық мәселесі және ауыл жастарына арналған бос уақыттарын пайдаланудың түрлі нысандарын дамыту жөніндегі облыстық жұмыс тобы құрылды. Топ мүшелері облысымыздың барлық ауылдық округтерін аралап, жастардың проблемалық мәселелерін айқындап, шешу жолдарын қарастыру жөнінде облыс әкіміне ұсыныс берілді.

2018 жылы ауылдардағы бос тұрған ғимараттарды қайта қалпына келтіріп, жастарға пайдасы тиетін аула клубтарын салу, көше спорт құрылғыларын орнату жұмыстарын жүргізіліп жатыр.

Алматы облысының жастар саясаты мәселелері басқармасы Қазақстан Республикасының Президенті Н.Ә.Назарбаевтың «Болашаққа бағдар: рухани жаңғыру» бағдарламалық мақаласын іске асыру бойынша бірқатар жұмыстар жүргізуде.

Бүгінгі күні Алматы облысының білім беру ұйымдарының «Түлек KZ» ақпараттық веб-ресурсы жұмыс жасауда. Онда «Танымал жерлестер», «Меценаттар» парақшалары бар. Осы сайтты пайдалана отырып, облыстың танымал тұлғаларын, меценаттарды тарта отырып, ауылдарда аула клубтарының, воркауттың және басқа да нысандардың қызметін үйлестіру жоспарлануда.

Мақалада әрбір қазақстандықтың рухани әлемінің дамуын жаһандық, аймақтық және мемлекеттік қоғамдық сана үдерістерімен байланыстыратын бірқатар жобалар айқындалып,  басқарманың жұмыс жоспарына сәйкес,  барлық аудан, қала, елді мекендерде мақаладағы көрсетілген жобаларды іске асыру бойынша 513 іс-шаралар ұйымдастырылды. Оның ішінде: 3 форум,  80 дөңгелек үстел, 71 конференция, 37 семинар, 86 акция, 15 флешмоб, 13 көрме, 3 зерттеу экспедициялары, 98 мәдени шара, 100 спорттық шара, 4 ашық есік күндері, 3 кездесу.

Облыс көлемінде Қазақстан Республикасының Елордасы – Астана қаласының 20 жылдығы мерекесіне орай мүмкіндіктері шектеулі жастар арасында «Жүректен жүрекке» атты байқау өтті. Сонымен қатар «Маусымашар-2018» көнілді тапқырлар клубы өткізілді.

Аудан көлемінде жыл басынан бері 315-тен аса адамның қатысуымен «Бос жұмыс орындар жәрмеңкесі» өткізілді. Жәрмеңкеге қатысқан мекемелер саны – 33. Ұсынылған бос жұмыс орындары - 127. Жәрмеңке нәтижесінде        2 жұмыссыз жасқа жолдама беріліп, 10 азамат жұмысқа орналасты. Сонымен қатар, қайта даярлау курстары бойынша 125 мүгедек оқуға қабылданды.

Талдықорған қаласы: жастарға қызмет көрсету бөлімі жыл басынан бері 100-ден аса адамның қатысуымен «Бос жұмыс орындар жәрмеңкесін» өткізді. Жәрмеңкеге қатысқан мекемелер саны – 92.Ұсынылған бос жұмыс орындары – 617, жәрмеңке нәтижесінде 21 жұмыссыз жасқа жолдама беріліп, 7 азамат жұмысқа орналасты. Жалпы: 3 бос жұмыс орындары жәрмеңкесі өтті,                       қатысқан адамдар саны – 415, жәрмеңкеге қатысқан мекемелер саны – 125, ұсынылған бос жұмыс орындар саны – 744, жолдама берілген жастар саны – 23, жұмысқа орналасқан адамдар саны – 17, қайта даярлау курстарына оқуға қабылданды – 125.

Жастарға қызмет көрсету орталығында мемлекеттік бағдарламар бойынша 396 адам консультация алды. Онын ішінде «2017-2021 жылдары нәтижелі жұмыспен қамту және жаппай кәсіпкерлікті дамыту» мемлекеттік бағдарламасы аясында 124 адам кеңес алды. «Бизнестің жол картасы 2020» мемлекеттік бағдарламасы бойынша – 14 адам, «Нұрлы жер» бағдарламасы бойынша 47 адам кеңес алды, ал «Серпін 2050» әлеуметтік жобасы аясында 45 талапкер кеңес алды. «Техникалық және кәсіптік білім беру» бағдарламасы бойынша- 35 азаматқа кеңес берілді және «Дипломмен ауылға!» бағдарламасы бойынша 37 азаматқа кеңес беріліп, түсініктеме жұмыстары жүргізілді. Психологиялық кеңес алғандар - 25. Жастар ісі жөніндегі комитет бойынша – 3. Алғашқы медициналық көмек көрсетіліп кеңес алғандар саны – 66. Барлығы –  396 адам кеңес алды. Онлайн режимде кеңес алғандар саны – 158 адам. Барлық келіп кеңес алған және онлайн режимде кеңес алғандар саны – 554.

Алматы облысы жастар саясаты мәселелері басқармасының  «Вконтакте», «Instagram», «Facebook», «Youtube», «Twitter» желілеріндегі ресми парақшалары тіркелген. Осы парақшаларда жоғарыда көрсетілген шаралар тұрақты түрде жарияланып тұрады.

Латын әліпбиіне көшуді қолдау мақсатында Талдықорған қаласында  жастар саясаты мәселелері басқармасы автокөлік клубтарымен бірлесе отырып, «ТALDYQORGAN» сөзін латын әріптермен жазып, флешмоб өткізді.

2018 жылы Талдықорған қаласында мүмкіндігі шектеулі жастарға ағылшын тілін тегін оқыту қолға алынды.

 

 

Басқарма басшысы                                                     Е. Жакупов